Australia og Sri Lanka – Sport Adventure
Sport Adventure-linja reiser til Australia og Sri Lanka.
Australia
Australia er eit nydeleg land med eit fantastisk folkeslag. Her har du mange vakre strender, flott natur, eit rikt dyreliv og eit behagelig folkeslag. Vi pleier å reise til Brisbane fyrst og besøker Surfers Paradise, Byron Bay og Blue Mountains før vi ender opp i Sydney.
Sri Lanka – faktisk kåra til verdas beste reisemål i fleire år
På denne turen skal du få vere med på ulike aktivitetar og opplevingar. Båttur til Moreton Island der du får prøve SUP brett, snorkling og andre akvitietar. I Surfers Paradise skal du ha surfekurs, ha møte med australske dyr, fjelltur til Blue Mountain, padle kajakk ilag med delfinar, du skal få oppleve storbyliv i Brisbane og Sydney, men også dei små sjarmerande plassane langs austkysten som til dømes Byron Bay.
Sri Lanka
Siste: Sri Lanka blei nettopp kåra til verdas beste reisemål for 2019 av Lonely Planet! Så flott at vi skal dit. Som om ikkje det er nok, så blei landet kåra til beste reisemål også i 2013!
Nettstaden BloombergPursuits plasserer Sri Lanka på topp blant dei 20 beste reisemåla for 2017.
Sri Lanka har det aller meste. Perfekt klima, milevis med strender, ville dyr, vakker natur og fargerike og flotte folk.
Vår søsterskule Kamam Folk High School
Og vi finn ikkje minst vår søsterskule Kamam Folk High School. Det er faktisk viktigaste grunnen til at vi reiser dit, sidan det er skulen sitt bistandsprosjekt.
Det er ein skule som Sunnfjord Folkehøgskule var med og starta opp i 2014. Dei ligg på austkysten av øya, der borgarkrigen sette djupe spor etter seg, og der det er veldig viktig at ungdom får muligheitene til å vere saman for å lære om viktige ting i livet utan karakter- og eksamenspress. Dei har plass til vel 30 elevar. Vi skal besøke dei på turen vår.
Andre attraksjonar
Vi skal også besøke Sigiriya-klippa, som står på Unesca si verdsarvliste. Vi skal besøke nasjonalpark der vi kan sjå ville elefantar, aper og mange fleire dyr. Vi skal sjølvsagt også nytte oss av dei endelause sandstrendene som omkransar nesten heile øya. Det blir ein kombinasjon av å reise på rundtur og oppleve landet, og vere i ro og vere saman.
Turen er inkludert i linjeprisen.
Vaksine: Du er sjølv ansvarleg for å ta dei vaksinene som trengs i god tid før turen. Ta kontakt med din lege eller sjekk Folkehelsa for råd om kva vaksiner du bør ta.
Skulen har ikkje medisinsk kompetanse og gir ikkje råd om vaksinering. Vaksiner er ikkje inkludert i skulen sine prisar.
OBS: Det kan oppstå endring i planane for utanlandsturane av ulike grunnar som er vanskeleg å kontrollere. Også lengda på reisa kan bli endra.
Det kan også oppstå endring i pris av same årsaker.
Slike årsaker kan vere valutaendring og lokale forhold på reisemålet.