Vil du spele volleyball? Gjennom trening, kampar og turneringar ynskjer vi at du skal få kjenne på idrettsglede, samhald og meistring.
På volleyballinja kan du få konsentrere deg om volleyball eit heilt år. Du får kombinere toppsatsing med eit spennande folkehøgskuleår.
Volleyballinja er størst og eldst i sitt slag i Norge. Mange av dagens elitespelarar har vore elevar hos oss. Vi skal spele i 2.divisjon og delta på ulike turneringar.
På linja forventar vi at du ønskjer å utvikle dine ferdigheiter og kunnskapar om volleyball.
Det vert lagt opp til ei høg treningsbelastning og ein hektisk kvardag.
Vi er ikkje opptatt av kva nivå du har i dag. Hos oss er alle velkomne uansett erfaring!
Volleyballinja har profesjonelle trenarar som har lang erfaring med å tilpasse trening til ulike nivå. Idrettsglede, meistring og lagspel er sentralt i alt vi gjer.
Vår visjon er ikkje kun å undervise i volleyball, men å inspirere, motivere, å utvikle menneske både på og utanfor bana.
Med andre ord: Menneske først, så volleyball.
Fotograf Nigel Boyce:
«The Sunnfjordspirit» er ei kraft som vert skapt ved at vi står saman og dreg i same retning. På Sunnfjord er vi kvarandre sine tilhengarar. Vi heiar på kvarandre både på bana og i livet. «The Sunnfjordspirit» har avgjort mange jamne volleyballkampar!
Som elev på Volleyball vil du få tilgang til treningsstudio på skulen. Du vil få eit styrkeprogram tilpassa for volleyball og oppfølging av fysisk trenar. Om du vært skada vil du også få oppfølging på opptrening av fysioterapeut.
Har du erfaring fra elite- eller juniorlandslag? Sunnfjord IL kan tilby overbyggingsavtale med Førde VBK, som er ein av dei sterkaste eliteserieklubbane i Norge.
I oktober går linjeturen til Polen. Polen er heimen til ein av verdas beste liga, nemleg Plussligaen. I løpet av denne veka vil ein få sett volleyballkamp frå øverste hylle, samt få sett korleis profflaga trenar. I tillegg vil vi få bruke dei same treningsfasilitetene som verdastoppen, og testa eige nivå mot juniorlag i nærområdet.
I mars reiser vi på treningsleir til Rio De Janeiro i Brasil saman med linjene Volleyball GUTAR og Beach & Volleyball. I Brasil har vi eigne folk som hjelper oss med å skreddarsy det beste treningsopplegget. Hovuddelen av treningane blir på den kjende stranda Copa Cabana, medan nokre av øktene blir innandørs.
I løpet av treningsoppholdet kjem vi til å kombinere volleyball med beachvolleyball. Vi skal spele treningskampar mot lokale volleyballklubbar.
Begge turane er inkludert i linjeprisen.
«Volleyballinjen på Sunnfjord er et skikkelig godt miljø hvor du både får utviklet deg som volleyballspiller og blir kjent med mange fantastiske mennesker. Det er et sted man får venner for livet».
"Jeg lærte mye av teknikk, samspill og det å gjøre hverandre gode. Jeg opplevde utvikling både som volleyballspiller og som menneske. Å være en del av The Sunnfjord Family er noe alle burde oppleve. Året på Sunnfjord har betydd mye for meg".
John Sverre er lærar på volleyballinja.
Han har idrettsutdanning frå USN og NVBF si trenar 3-utdanning. Då John Sverre var aktiv, spelte han for ulike klubbar i 1.divisjon og eliteserien. Dei siste åra har han jobba på som lærar på vidergåandeskule innan idrett og kroppsøving før han i 2019 kom til Sunnfjord.
Otelie er trenarutdanna på Norges Idrettshøgskole, og tidlegare elev og stipp på Sunnfjord Folkehøgskule. Ho spelar aktivt på øvste nivå i serien.
Tor Emil har vore lærar på Sunnfjord sidan 2016. Han er utdanna innan idrett og historie. Han har lang spelar- og trenarerfaring og har spelt for ulike klubbar i 1.divisjon og eliteserien.